சன் டி.வி.யில் திங்கள் முதல் வெள்ளி வரை இரவு ஒன்பது மணிக்கு ஒளிபரப்பாகும் சீரியல் தான் "தென்றல்". இதில் கதாநாயகனின் அம்மாவாக வரும் பெண்ணின் செயல்பாடுகள் மிகவும் கீழ்தரமாக சித்தரிக்கப்பட்டுள்ளது.
இந்த சீரியலை பற்றி தெரியாதவர்களுக்காக
ஒரு சின்ன கதை சுருக்கம்.
இந்த கதையில் வரும் நாயகனுக்கு அவரது அம்மா ஒரு பணக்கார வீட்டில் பெண் பார்க்கிறார். தனது மகளுக்கும் அதே வீட்டில் மாப்பிள்ளை பார்க்கிறார்.அதாவது பெண் கொடுத்து பெண் எடுக்கிறாள். இருவருக்கும் ஒரே தேதியில் திருமணம் நிச்சயிக்கப்படுகிறது.( கதாநாயகனின் குடும்பம் நடுத்தர வர்க்கம்)
ஆனால் "தமிழ்" என்ற கதாநாயகன் கதாநாயகிய வரும் "துளசி" என்ற ஏழை வீட்டு பெண்ணை காதலித்து வீட்டிற்கு தெரியாமல் அவசர திருமணம் செய்து கொள்கிறான். இதனால் கதாநாயகனின் தங்கை கல்யாணமும் நின்று விடுகிறது. கதாநாயகனும் கதாநாயகியும் புறக்கணிக்கப்படுகிறார்கள்.
கதாநாயகனுக்கு நிச்சயக்கப்பட்ட "சாரு" என்ற பெண்ணால் இந்த ஏமாற்றத்தை தாங்கி கொள்ள முடியவில்லை. எப்படியாவது காதாநாயகனை அடைய துடிக்கிறாள். இதற்காக கதாநாயகனின் அம்மாவிடம் சென்று அவர்கள் குடும்பத்திற்கு நிறைய உதவிகள் செய்கிறாள்.
இதற்கான காரணம் தனது மகனை அடைய துடிப்பது தான் என தெரிய வரும் போது அந்த அம்மா "சாரு" என்ற பெண்ணுக்கு தனது மருமகளை மகனிடமிருந்து பிரித்து தனது மகனை உன்னிடம் சேர்ப்பதாக உறுதியளிக்கிறார். ஏனென்றால் இவள் பணக்கார பெண் இவளால் தனக்கு நிறைய உதவிகள் கிடைக்கிறது என்பதற்காக. இதற்காக "ஷாரு" என்ற அந்த பெண்ணும் அந்த கதாநாயகனின் அம்மாவும் சேர்ந்து தீட்டும் திட்டங்களும் பேசும் வசனங்களும் பார்ப்பவர்களை முகம் சுளிக்க வைக்கிறது.
இப்படியும் ஒரு கேவலமான அம்மா எவளாவது இருப்பளா?. தனது மகனுக்கே "மாமா" வேலை பார்ப்பது போல் அந்த அம்மாவின் கதாபாத்திரம் சித்தரிக்கப்பட்டுள்ளது.
உயிர் படத்தில் சங்கீதா தனது கணவனின் தம்பி மேல் ஆசைப்படுவது போன்று சித்தரிக்கப்பட்டதற்கே எதிர்ப்பு தெரிவித்த இந்த சமூகம் பல பெண்களால் விரும்பி பார்க்கப்படும் டி.வி. சீரியலில் அம்மா போன்ற புனிதமான உறவுகளை இப்படி கேவலமாக சித்தரிப்பதை பார்த்துக்கொண்டிருக்கிறது. இந்த சீரியலுக்கு கதை எழுதுவது யார் தெரியுமா விகடன் கதைக்குழுவாம்.
Mar 1, 2011, 8:27:00 PM
படிச்சிட்டு வர்றேன்..